کمپاین ترویج فرهنگ شهرنشینی و جلوگیری از آلوده‌گی محیط زیست در تخار راه‌اندازی شد

تالقان (پژواک، ۲۲ جوزا ۱۴۰۲): کمپاینی تحت عنوان «مبارزه با آلوده‌گی پلاستیک، جلوگیری از آلوده‌گی محیط زیست و ترویج فرهنگ شهرنشینی در میان مردم» در شهر تالقان، مرکز تخار از سوی ریاست محیط زیست این ولایت راه‌اندازی شده‌است.

مسؤولین در ریاست محیط زیست تخار از باشنده‌گان این ولایت خواستند که فرهنگ شهرنشینی را رعایت کنند تا به گفتۀ آنان، از آلوده‌گی محیط زیست جلوگیری گردد.

داکتر زبیر نعیمی، رئیس محیط زیست تخار می‌گوید که این کمپاین همزمان با روز جهانی محیط زیست در همکاری با سایر ادارات راه‌اندازی شده  تا از آلوده‌شدن بیشتر محیط جلوگیری به عمل آید.

نعیمی می‌افزاید که مردم هنوزهم  فرهنگ شهرنشینی را به‌گونه درست رعایت نمی‌کنند و ادارۀ محیط زیست نیازمند همکاری مردم می‌باشد تا یک شهر پاک داشته باشیم.

login or register a new account.