کابل (پژواک، ٢٧ ثور٩٨): رئيس جمهور تاجکستان، در ديدار با سرپرست وزارت خارجۀ افغانستان گفته است که به زودى هشتاد زندانى افغان در آن کشور، به افغانستان انتقال داده خواهند شد.
در خبرنامۀ وزارت امور خارجۀ افغانستان آمده است که صلاح الدین ربانی سرپرست وزیر امور خارجه افغانستان، با امام علی رحمان رئیس جمهوری تاجیکستان، دیدار نمود.
منبع نوشته است که در اين ديدار؛ صلاح الدين ربانى، ضمن سپاسگزاری از حمایت و کمک های دولت و مردم تاجیکستان با افغانستان، تاجکستان را «دوست و برادر افغانستان» خوانده و خواهان انتقال هشتاد تن از زندانیان افغان از آن کشور به افغانستان گردید.
در خبرنامه آمده است که در مقابل، امام علی رحمان اطمینان داد که هشتاد زندانى يادشده، به زودی به افغانستان انتقال داده خواهند شد.
وی همچنان گفته است که در یک سال آینده، با تکمیل بند راغون در تاجکستان، اين کشور صادرات برق را به افغانستان افزايش خواهد داد.
login or register a new account.
تماس با ما
خبرنامه
ارسال گزارش
اپلیکیشن موبایل پژواک