چهار معاون وزیر و پنج رئیس به وظایف گماشته شدند

کابل (پژواک، ۱۸ اسد ۱۴۰۱): برای وزارت‌های مالیه، اطلاعات و فرهنگ، آب و برق، ارشاد، حج و اوقاف معاونین و برای پنج اداره روسا تعیین گردید.

ذبیح‌الله مجاهد سخنگوی امارت ‌اسلامی نگاشته که این تعیینات به اساس لزوم‌دید رهبر امارت‌ اسلامی صورت گرفته ‌است.

وی نوشته، مولوی عارف‌الله عارف، معاون پیشین انرژِی وزارت آب و برق، به عنوان معاون مالی و اداری وزارت ارشاد، حج و اوقاف، ملا محمد‌عیسی ثانی رئیس سابق شرکت برشنا، به‌حیث معاون انرژی وزارت انرژی و آب، مولوی حیات‌الله شاروال پیشین ولایت هرات، به‎عنوان معین نشراتی وزارت اطلاعات و فرهنگ، ملا حمدالله زاهد رئیس پیشین تدارکات‌ ملی ادارۀ امور، به‎عنوان معاون اداری وزارت مالیه گماشته شده‌اند.

تا کنون ذبیح‌الله مجاهد به‎حیث معین نشراتی وزارت اطلاعات و فرهنگ ایفای وظیفه می‌نمود.

login or register a new account.