معین وزارت اطلاعات و فرهنگ: حکومت باید در مورد رشد اقتصادی و اصلاح افکار جوانان توجه کند

فیض‌آباد (پژواک، ۷ عقرب ۱۴۰۱): معین امور جوانان وزارت اطلاعات و فرهنگ در سفرش به ولایت بدخشان گفته است، حکومت مکلف است، در مورد رشد اقتصادی، ظرفیت سازی، شنیدن و اصلاح افکار جوانان توجه کند.

قاری محمدیونس راشد، معین امور جوانان ریاست اطلاعات و فرهنگ در سفرش به بدخشان، با راه‌اندازی یک گفتمان با شماری از جوانان این ولایت دیدار کرده، به سوالات و خواست‌های این جوانان پاسخ ارایه کرده و پالیسی و برنامه‌های حکومت را در قبال نسل جوان بیان کرد.

قاری محمدیونس راشد گفت، جوانان قلب زندۀ ملت‌ها بوده و پیشرفت و ترقی کشور وابسته به تراوش‌های افکار جوان است.

موصوف از جوانان خواست، در مورد حکومت و وضعیت کشور خواست‌های شان را با‌ او شریک کرده، تا آنچه را مطابق به صلاحیت‌های وظیفوی‌اش در توان دارد، رسیده‌گی و نیازهای جوانانی را که خارج از صلاحیت کاری وی باشد، با سطح رهبری حکومت شریک کند.

login or register a new account.