حادثهٔ ترافیکی در شاهراه شبرغان – سرپل هفت زخمی برجا گذاشت

شبرغان (پژواک، ۹ ثور ۱۴۰۴): قوماندانی امنیهٔ جوزجان می‌‌گوید که در پی یک حادثهٔ ترافیکی در شاهراه شبرغان – سرپل هفت تن زخمی شده‌اند.

قاری عبدالستار حلیمی، سخنگوی قوماندانی امنیۀ ولایت جوزجان می‌گوید این رویداد صبح امروز در پی برخورد دو عراده موتر تیزرفتار در مسیر شبرغان – سرپل رخ داده‌است.

وی افزود که در این رویداد هفت تن زخمی شده‌اند.

به گفتۀ حلیمی، زخمیان جهت تداوی به شفاخانۀ ولایتی جوزجان انتقال یافته‌اند.