پلخمری (پژواک، ۳۱ اسد ۱۴۰۴): قوماندانی امنیهٔ ولایت بغلان میگوید که در پی یک رویداد ترافیکی در ولسوالی دوشی این ولایت ۲۴ تن زخمی شدهاند.
در خبرنامهٔ قوماندانی امنیهٔ ولایت بغلان آمدهاست که این رویداد شب گذشته در ساحهٔ مکتب “سنگسلاخ” ولسوالی دوشی به اثر برخورد یک موتر نوع ۵۸۰ با یک موتر باربری رخ دادهاست.
براساس معلومات منبع، در این رویداد ۲۴ تن از سرنشینان این دو واسطه زخم برداشتهاند.
قوماندانی امنیه نوشتهاست که زخمیان این رویداد به شفاخانهٔ ولایتی بغلان انتقال داده شدهاند.
