کابل (پژواک، ۲۹ جدی ۱۴۰۴): کمیتهٔ امنیت ملی تاجیکستان اعلام کردهاست که چهار فرد مسلح در پی درگیری مسلحانه با نیروهای این کشور در منطقهٔ مرزی «خرمنجو» کشته شدهاند.
براساس خبر آژانس دولتی «خاور» تاجیکستان، این چهار تن دیروز وارد خاک تاجیکستان شده بودند و نیروهای تاجیکستان محل استقرار آنان را شناسایی و سپس اقدام به عملیاتی برای بازداشت آنان کردند.
منبع افزودهاست که این افراد به مرزبانان تاجیکستانی تسلیم نشدند و در پی درگیری مسلحانه در منطقهٔ مرزی با افغانستان کشته شدند.
کمیتهٔ امنیت ملی تاجیکستان گفته که پروندهٔ جنایی این افراد در حال بررسی است.
امارت اسلامی تاکنون در این مورد چیزی نگفتهاست.
