اتحادیهٔ اروپا ۱۲۶ میلیون یورو برای نیازهای بشردوستانه افغانستان، پاکستان و ایران اختصاص داد

کابل (پژواک، ۳ دلو ۱۴۰۴): اتحادیهٔ اروپا اعلام کرده‌است که در چارچوب بودجۀ بشردوستانۀ سال ۲۰۲۶، مبلغ ۱۲۶ میلیون یورو را برای پاسخ‌گویی به نیازهای بشردوستانه در افغانستان، پاکستان و ایران اختصاص داده‌است.
در اعلامیهٔ اتحادیهٔ اروپا آمده‌است که این کمک‌ها به هدف تأمین مواد غذایی اضطراری، خدمات صحی، حمایت از اقشار آسیب‌پذیر و رسیده‌گی به پیامدهای بحران‌های انسانی در این کشورها ارایه می‌شود.
اتحادیهٔ اروپا تأکید کرده‌است که باوجود کاهش کمک‌های جهانی، به تعهد خود برای حمایت از مردم نیازمند پایبند می‌ماند.
این در حالی است که اتحادیهٔ اروپا از آغاز مرحلهٔ دوم برنامه‌ی توانمندسازی اقتصادی زنان با سرمایه‌گذاری ۱۰ میلیون یورویی خبر داده بود.
این برنامه با همکاری برنامهٔ انکشافی سازمان ملل عملی می‌شود و بخشی از تعهد اتحادیهٔ اروپا برای حمایت از معیشت زنان به شمار می‌رود.