رویداد ترافیکی در شاهراه زرنج–دلارام یک کشته و ١٩ زخمی بر جا گذاشت

زرنج (پژواک، ۲۱ دلو ۱۴۰۴):در اثر برخورد دو موتر مسافربری در شاهراه زرنج–دلارام در نیمروز، یک تن جان باخته و ۱۹ تن دیگر زخمی شده‌اند.
سردار محمد رحیمی، آمر حوادث ترافیکی ادارهٔ ترافیک نیمروز، به پژواک گفت که این رویداد صبح امروز در ساحهٔ نزدیک به زنجیر شرقی، در منطقهٔ ریگستان چگینی، رخ داده است.
به گفتهٔ وی، در این حادثه رانندهٔ یکی از موترها جان باخته و ۱۹ تن دیگر، به‌شمول رانندهٔ موتر دوم، زخمی شده‌اند.
رحیمی افزود که تمامی زخمیان به شفاخانهٔ ولایتی نیمروز منتقل شده و تحت تداوی قرار دارند.
او گفت که وضعیت صحی شماری از زخمیان وخیم گزارش شده است.
وی علت این حادثه را سرعت زیاد عنوان کرد.
شیما صدیقی
زرغونه صالحی