کارگران افغان

سرپرست وزارت کار و امور اجتماعی در دیداری با نماینده‌گان شرکت‌های سیاحتی از آنان خواسته‌ که برای کارگران افغان جهت کار در کشورهای خارجی ویزۀ توریستی را اخذ نکنند و از کسانی که به سفرهای سیاحتی می‌روند، تضمین گرفته شود.

سرپرست وزارت کار و امور اجتماعی می‌گوید که این وزارت تلاش می‌کند تا زمینۀ اعزام قانونی و عزت‌مندانۀ کارگران و جوانان افغان به کشورهای خارجی را فراهم کند.

وزارت کار و امور اجتماعی می‌گوید که نشست هماهنگی با وزارت‌های امور خارجه، امور داخله، صحت عامه و ادارهٔ ملی احصائیه و معلومات در پیوند به اعزام کارگران افغان به بیرون از کشور برگزار شده‌است.