اسهال

داکتران می‌گویند، با شدت گرمی هوا،‌ امراض انتانی به‌ویژه اسهالات در شهر کابل افزایش پیدا کرده‌است. آنان از شهروندان می‌خواهند که در کنار رعایت حفظ‌الصحهٔ شخصی و محیطی، از خوردن غذاهای شب‌مانده خودداری کنند. 

وزارت صحت عامه می‌گوید که به بیماران مبتلا به «اسهال حاد» در پروان به موقع رسیده‌گی صورت گرفته‌است، برخی مریضان به شفاخانۀ انتانی کابل انتقال داده شده‌اند و نمونۀ آب برای تست از منطقه نیز گرفته شده‌است.

داکتران می‌گویند، همه ساله با شدت گرمی هوا بیماری اسهالات افزایش می‌یابد که باید خانواده‌ها در کنار رعایت حفظ‌الصحه، مریضان ابتلا به این بیماری را به مرکز صحی انتقال دهند.