ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ترافيکي پېښې اتو تنو ته مرګ ژوبله واړوله

18 Nov 2011 - 07:15
18 Nov 2011 - 07:15

کلات (پژواک٢٧لړم٩٠): د زابل په شهرصفا ولسوالۍ کې د کندهار پر لويه لاره  د ترافيکي پېښې له امله دوه تنه مړه او  لږ تر لږه  شپږ نور ټپيان شول .

 د زابل ولايت مرستيال محمد جان رسوليار د لړم په ٢٧مه پژواک خبري اژانس ته وويل،چې دغه پېښه د يادې ولسوالۍ د جلدک په سيمه کې تېره ورځ مازيګر مهال رامنځته شوه .

 دده د معلوماتو له مخې ، په دې پېښه کې تونس موټر له مازدا ډوله موټر سره وجنګېد او له امله يې په تونس کې  دوه تنه مړه او شپږ نور ټپيان شول .

 خو د زابل ولايت د مرکزي روغتون يوتن نوکريوال ډاکټر ، چې خپل نوم يې څرګند نه کړ ، وويل چې ددې پېښې ١١ ټپيان، چې ټول لويان نارينه دي ، روغتون ته وروړل شول.

 هغه وويل چې له ټپيانو څخه يوتن  په روغتون کې ساه ورکړه او  د څلورو نورو ټپيانو روغتيايي حالت هم د اندېښنې وړ دى .

 دوه ورځې مخکې هم په دې ولايت کې  په دوو بېلابېلو ترافيکي پېښو کې لسو تنو ته مرګ ژوبله او ښتې وه.

Hits: 2

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.