ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په يوه ترافيکي پېښه کې پنځه پوليس مړه شول

4 Apr 2012 - 15:07
4 Apr 2012 - 15:07

ميمنه (پژواک ١٦ ورى ٩١): د فارياب د امنيه قوماندانۍ د نظامي څارنوالۍ د مرستيال په ګډون پنځه پوليس په يوه ترافيکي پېښه کې مړه او يو بل پوليس ټپي شو.

د خواجه سبزپوش ولسوال عبدالله پژواک خبري اژانس  ته وويل، چې دغه پېښه نن له غرمې مخکې د دې ولسوالۍ ګورزاد کوتل ته نږدې رامنځته شوه.

هغه زياته کړه، چې په دې پېښه کې د فارياب د امنيه قوماندانۍ د نظامي څارنوال د مرستيال سمونوال عنايت الله په ګډون پنځه پوليس مړه او يو بل ټپي دى.

عبدالله زياته کړه، چې ټپي پوليس د دې ولسوالۍ روغتون ته لېږدول شوي او ډاکترانو يې روغتيايي وضعيت ښه بللى دى.

خو د فارياب ولايت د امنيه قوماندانۍ د امنيت امر سمونوال بريالي پرواني پژواک خبري اژانس  ته وويل، چې په دې پېښه کې د سمونوال عنايت الله نبرد په ګډون درې پوليس مړه او يو بل ټپي دى.

سرچينې زياته کړه، چې د نظامي څارنوالۍ مرستيال د دندې لپاره اندخوى ولسوالۍ ته روان وو، چې دغه پېښه د چلوونکي د ګړندي تګ له امله رامنځته شوه.

 

Hits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.