ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د لغمان پوهنتون د دوو ودانيو د بنسټ ډبره کېښودل شوه

د لغمان پوهنتون د دوو ودانيو د بنسټ ډبره کېښودل شوه

author avatar
14 Sep 2012 - 13:38
د لغمان پوهنتون د دوو ودانيو د بنسټ ډبره کېښودل شوه
author avatar
14 Sep 2012 - 13:38

جلال اباد (پژواک ٢٤ وږى ٩١): چارواکي وايي، چې د لغمان پوهنتون د دوو ودانيو د بنسټ ډبره د لوړو زده کړو وزارت د پراختيايي بودېجې په لګښت کېښودل شوه.

د لغمان د والي وياند سرحدي ځواک د وږي په ٢٤ مه پژواک اژانس ته وويل، چې نن د لوړو زده کړو وزارت د تدريسي مرستيال ګل حسن وليزي او د لغمان د والي اقبال عزيزي له خوا د لغمان پوهنتون د تدريسي او ليليې ودانيو د بنسټ ډبرې کېښودل شوې.

د هغه په وينا، دغه ودانۍ د لوړو زده کړو وزارت له پراختيايي بودېجې څخه د يو ميليون ډالرو په لګښت د يوه کال په موده کې جوړيږي.

نوموړي زياته کړه، چې يادې ودانۍ درې پوړيزه دي او دواړه ودانۍ ٥٥ خونې او دوه د کنفرانسونو تالارونه لري.

ځواک وويل، چې له تېرو اووه مياشتو راهيسې د جرمني هېواد په يو ميليون ډالرو مرسته د دغه پوهنتون د يوې بلې ودانۍ چارې هم روانې دي.

د يادونې ده، چې د لغمان پوهنتون يو کال مخکې د لوړو زده کړو وزارت په چوکاټ کې د کرنې او ادبياتو په پوهنځيو کې ٥٠٠ محصلين لري او تراوسه د لغمان د عالي دارلعلوم د ليليې په ودانۍ کې فعاليت کوي.

Visits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.