اسعداباد ( پژواک، ٢٦ لړم ٩٤): په کونړ ولایت کې پنځلس تنه وسله وال مخالفين د سولې له بهیر سره یوځای شول.
د کونړ والي وحیدالله کلیمزی وايي چې دغو وسله والو مخالفينو د خيرمحمد په مشرۍ د دې ولايت د څوکۍ ولسوالۍ په دیوګل دره کې فعاليت کاوه.
هغه وايي چې دغه کسان له خپلو ١٥ ميله وسلو سره د سولې له بهير سره ملګري شوي دي.
ده وويل چې د دې کسانو لپاره به د کار زمينه برابره کړي تر څو د خپلو کورنیو لپاره حلال رزق وګټي.
د هغه د معلوماتو له مخې، تر اوسه په کونړ کې ٤٤١ وسله وال مخالفین له خپلو وسلو سره د سولې له بهیر سره یوځای شوي دي.
د يادې پنځلس کسیزې وسله والې ډلې مشر خیر محمد وويل چې دوى د سولې شورا په بلنه د سولې له پروسې سره ملګري شوي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن