چاريکار (پژواک ٢٠ ليندۍ ٩٥): د سالنګ لار چې پلازمېنه کابل له شمالي ولايتونو سره نښلوي د واورې د ورښت او توپان له امله بنده شوه .
د سالنګونو د ساتنې او څارنې رييس ډګرجنرال محمد رجب پژواک خبري اژانس ته وويل چې د نن سهار له پنځو بجو راهيسې په سالنګونو کې د واورې ورښت او شديد توپان جريان لري .
د ده د معلوماتو له مخې ، چې تراوسه په سالنګونو کې ٤٠سانتي متره واوره ورېدلې ده .
نوموړي وويل چې دغه لار د شپې له لسو بجو راهيسې تر نن غرمې پورې د احتمالي خطرونو په موخه تړل شوې ده .
رجب زياته کړه چې دوى بارلرونکي او مسافر وړونکي موټر د بغلان ولايت د خنجانو ولسوالۍ اړوند د ملخانو په سيمه کې او د پروان ولايت د تاجکانو په سيمه کې درولي دي.
ده وويل چې دغه لار به تر هغه د ترافيکو پرمخ تړلې وي چې توپان او نور احتمالي خطرونه نه وي له منځه تللي.
هر کال څو ځله دغه لاره د زيات ورښت او توپان له امله د ترافيکو پرمخ تړل کيږي
سږکال دا لومړى ځل دى چې د واورې د ورښت له امله د سالنګ لاره د ترافيکو پرمخ تړل کيږي .
د ١٣٨٨کال د سلواغې په مياشت کې د واورې ښوېيدنې له امله په سالنګ کې په لسګونو کسانو ژوند له لاس ورکړ او يو شمېر نور ټپيان شول .
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن