ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

بدخشان کې شپږ امنيتي سرتېري وژل شوي

3 Jan 2017 - 10:44
3 Jan 2017 - 10:44

فيض اباد (پژواک، ١٤ مرغومى ٩٥): په بدخشان کې امنيتي چارواکو، د شپږو امنيتي ځواکونو د وژل کېدو او د دوو ملکي وګړو په ګډون د ١٦ تنو نورو د ټپې کېدو خبر ورکړ.

د بدخشان ملي امنيت رياست يوې سرچينې چې نه يې غوښتل نوم يې په ډاګه شي، نن ( د مرغومي ١٤مه) پژواک خبري اژانس ته وويل چې يادو امنيتي منسوبينو ته تېره ورځ د چاڼيزو عملياتو پر مهال چې د فيض اباد ښار يفتل بالا کې ترسره شول، مرګ ژوبله اوښتې ده.

يادې امنيتي سرچينې زياته کړه، ياد چاڼيز عمليات لا هم د يفتل بالا دوابه کلي کې دوام لري چې  له امله يې د ملي اردو څلور منسوبين او د پوليسو دوه سرتېري وژل شوي او د ملي اردو ٨ منسوبين، پنځه سيمه ييز پوليس او د ملي امنيت يو کارکوونکى او دوه ملکي کسان ټپيان شوي دي.

په ورته وخت کې د بدخشان له جنايي جرمونو سره د مبارزې مدير سخي حيدري پژواک ته وويل چې چاڼيز عمليات لا هم دوام لري، خو د امنيتي ځواکونو او وسله والو طالبانو د مرګ ژوبلې په اړه يې معلومات ورنه کړل.

وسله والوطالبانو تر اوسه په دې اړه نظر نه دى څرګند کړى.

Hits: 1

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.