ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د پاکستان په يوه زيارت کې ځانمرګي بريد ۵۰ تنه وژلي ، ۱۵۰ یې ژوبل کړي

16 Feb 2017 - 15:42
16 Feb 2017 - 15:42

کابل (پژواک ٢٨ سلواغه ٩٥): د پاکستان د سند ايالت په يوه زيارت کې ځانمرګى بريد شوى او په کې تر ۵۰ پورې کسان وژل شوي او تر ۱۵۰ نور ټپيان دي.

پاکستانيو رسنيو ويلي چې دا پېښه نن له ماښام وروسته د سند په سيحون ښار کې په مشهور زيارت لال شهباز قلندر کې شوې ده.

د دې ښار د پوليسو مشر عبدالرشيد وايي، له دې پېښې څخه تراوسه پورې (د ماخوستن ٨ بجې) ٣٠ مړي او سل ټپيان روغتونونو ته وړل شوي، چې ښځې او ماشومان هم په کې شامل دي.

ده زياته کړه، د ځينو ټپيانو روغتيايي حالت نازک دى او ښايي د مړو شمېر زيات شي.

له بلې خوا د ياد شوي ښار د روغتونونو سرچينې وايي، دوى ته له دې پېښې څخه ۵۰ مړي او تر ۱۵۰ زیات ټپيان ور وړل شوي دي.

لال شهباز قلندر زيارت د يوه مشهور پاکستاني صوفي زيارت دى، چې په ځانګړي ډول د پنجشنبې او جمعې په ورځو ورته ډېر مينه وال ورځي.

په تېره يوه اونۍ کې دا اومه خونړۍ پېښه ده چې په پاکستان کې رامنځ ته کېږي؛ دا بريدونه او چاودنې په لاهور، پېښور او بلوجستان کې شوې دي، چې په لسګونو کې کسانو ته په کې مرګ ژوبله اوښتې ده.

Hits: 1

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.