ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د دوستم ٧ ساتونکي څارنوالۍ ته حاضر شول

22 Feb 2017 - 14:45
22 Feb 2017 - 14:45

کابل (پژواک، ٤ کب ٩٥): د کورنيو چارو وزارت وايي، د ولسمشر د لومړي مرستيال جنرال عبدالرشيد دوستم اووه ساتونکي د څېړنو لپاره لويې څارنوالۍ ته حاضر شوي دي.

دغه مطلب د کورنيو چارو وزارت وياند صديق صديقي په ټوېټر پاڼه کې ليکلى دى.

د جوزجان پخوانى والى احمد ايشچي، چې له دوستم سره سياسي مخالفت لري، څه موده مخکې ادعا وکړه چې د دوستم او د هغه د ساتونکو له خوا جنسي ځورونه ورکړل شوې ده.

لويې څارنوالۍ په دې تړاو د دوستم د نهو ساتونکو د احضار کولو امر وکړ، چې ويل کېږي  له يادو کسانو دوه مخکې څارنوالۍ ته حاضر شوي وو.  

داسې راپورونه هم و چې دوستم د خپلو ساتونکو د نيولو مخه نيسي.

تېره ورځ د دفاع او کورنيو چارو وزراتونو ځواکونه چې په درنو وسلو سنبال و، د دوستم د کور په شاوخوا کې ځاى پر ځاى شوي وو.

خو دوستم ويلي چې د ده کور نه دى کلابند شوى او په دې اړه رسنيو ناسم راپورونه خپاره کړي دي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.