واشنګټن (پژواک، ١٠ زمرى ٩٦): د امريکا د مشرانو جرګې غړى وايي چې امريکا بايد د افغانستان لپاره ګټونکې تګلاره ولري.
دغه څرګندونې د امريکا په مشرانو جرګه کې د وسله والو ځواکونو د کمېسيون مشر جان مکېن په يوه اعلاميه کې کړې دي.
هغه په دې اعلاميه کې د امریکا له ولسمشر ډونالډ ټرمپ څخه غوښتي دي چې د افغانستان لپاره دې ستراتيژې ژر تر ژره اعلان کړي.
جان مکېن په دې اعلاميه کې ويلي چې د ډونالډ ټرمپ د ولسمشرۍ د دورې شپږ میاشتې وخت پوره شو او لا تر اوسه پورې د افغانستان په هکله د امریکا ګټونکې تګلاره نه ده اعلان شوې.
هغه د افغانستان په هکله د امریکا د پخواني مشر بارک اوباما پر تګلارې هم نيوکه کړې او ويلي يې دي چې د اتو کلونو په موده کې د 'نه بايللو' د پاليسۍ له امله امريکايي سرتېرو ته ډېره مرګ ژوبله اوښتې ده.
نوموړي په ياده اعلاميه کې ويلي: ((زه به د ځينو پوځي مشرانو په مشوره په دې پاليسۍ کې تعديل راولم چې په افغانستان کې د امريکا د ګټو خوندي کولو لپاره يوه ستراتيژي جوړه شي.))
مکېن ويلي: ((ولسمشر ټرمپ د افغانستان په اړه تګلاره نه اعلانوي، نو زه به له خپل اړخه د افغانستان په اړه د امريکا تګلاره اعلان کړم.))
نوموړي زياته کړې چې په افغانستان کې مېشت امريکايي سرتېري ښه ژوند ته اړتيا لري.
د امريکا په مشرانو جرګه کې د وسله والو ځواکونو د کمېسيون مشر جان مکېن ويلي، دوه مياشتې وروسته د ملي دفاعي کمېسيون په غونډه کې به د افغانستان په اړه په قانون کې د ترميم وړانديز وکړي.
د هغه په وينا، د دغه وړانديز له مخې چې د امريکايي سلاکارانو له خوا شوى، په افغانستان کې به د برياليتوب تګلاره بايد ولري.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن