ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

تخار کې د انسان تښتوونکو يوه ډله ونيول شوه

7 Apr 2018 - 12:04
7 Apr 2018 - 12:04

تالقان(پژواک،١٨ورى٩٧):د ملي امنيت منسوبينو په تخار ولايت کې د انسان تښتوونکو يوه اته کسيزه ډله نيولې او يو ماشوم يې د دوى له منګلو ژغورلى دى.

د تخار د ملي امنيت رييس ګلستان صديق د وري په ١٨مه په مرکز تالقانو کې خبريالانو ته وويل چې د ملي امنيت د منسوبينو د عملياتو په ترڅ کې د تالقانو ښار له بيک اباد سيمې څخه د انسان تښتوونکو يوه اته کسيزه ډله نيول شوې ده.

هغه وايي چې دغې ډلې د چاه اب ولسوالۍ د قاضي زوى مدثر تښتولى و چې د ملي امنيت ځواکونو ترې راخلاص کړى دى.

د مدثر پلار محمد شريف پژواک ته وويل چې يوه مياشت وړاندې دغو کسانو يې يوولس کلن زوى مدثر تښتولى و.

هغه وايي چې د زوى د خلاصون په بدل کې ترې سل زره ډالره غوښتي و او ګواښ يې کړى و که چېرې پيسې ورنه کړي نو زوى به يې و وژني.

د تخار د امنيتي چارواکو د معلوماتو له مخې، نيول شوو انسان تښتوونکو په خپل جرم اعتراف کړى دى.

Hits: 1

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.