ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د دايکنډي پولیسو يو چارواکی د جنسي تېري په تور نيول شوی

25 Apr 2018 - 10:16
25 Apr 2018 - 10:16

نيلي (پژواک، ۵ غويی ۹۷): د دايکنډي ولايت امنيتي سرچينو تاييد کړې چې د دغه ولايت د کيتي ولسوالۍ امنيه قوماندان پر يوې زنداني ښځې د جنسي تېري په تور نيول شوی دی.

يوې امنيتي سرچينې چې نه يې غوښتل نوم يې واخيستل شي، پژواک خبري اژانس ته وويل چې د کيتي پر امنيه قوماندان سيد ابوالحسن تور دی چې تېره شپه يې د يادې قوماندانۍ په نظارت خونه کې پر يوې ښځې تېری کړی.

دې سرچينې زياته کړه چې د دايکنډي ولايت امنيې قوماندانۍ له خوا په دې اړه د لا ډېرو پلټنو لپاره کيتي ولسوالۍ ته يو پلاوی استول شوی او اوسمهال د کيتي ولسوالۍ امنيې قوماندان په توقيف کې دی.

د دايکنډي د والي وياند علي اکبر ناطقي وويل، ښځې ادعا کړې چې د يادې ولسوالۍ امنيه قوماندان ورباندې تېری کړی، خو تر اوسه يې د امنيې قوماندانۍ لپاره رسمي دوسيه نه ده جوړه شوې.

د کيتي ولسوالۍ امنيه قوماندان په دې اړه خبرې نه دي کړې.

خو د دايکنډي امنيه قوماندان سيد باقر مرتضوي دغه ادعا رد کړې ده.

د يادونې ده، سيد ابوالحسن ابراهيمي له درېیو کلونو را په دېخوا د کيتي ولسوالۍ د امنيې قوماندان په توګه دنده ترسره کوي.

Hits: 1

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.