ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

هرات کې د یوه نوماند د کمپاین پر دفتر د برید له امله دوه کسان وژل شوي

13 Oct 2018 - 18:04
13 Oct 2018 - 18:04

هرات (پژواک،۲۱ تله ۹۷): په هرات کې د ولسي جرګې د یوه نوماند د ټاکنیز کمپاین پر دفتر د ناپېژاندو وسله والو په برید کې دوه کسان وژل شوي او دوه نور ټپیان دي.

د هرات د والي ویاند جیلاني فرهاد پژواک خبري اژانس ته وویل: ((دغه برید نن ماسپښین د هرات ولایت د انجیل ولسوالۍ په جغرتان دوه لاري کې د ولسي جرګې د نوماند سید عظیم کبرزایي د ټاکنیز کمپاین پر دفتر شوی دی.))

هغه زیاته کړه چې په دې پېښه کې د یاد نوماند یو ساتونکی او یو ماشوم وژل شوي او یو کس ټپي دی.

نوموړی وايي چې د دې پښې د عاملینو د نیولو لپاره څېړنې روانې دي.

په همدې حال کې د هرات د حوزوي روغتون سرطبیب ډاکتر عارف جلالي وویل چې یو وژل شوی اووه کلن ماشوم او دوه کوچنۍ ټپيانې نجونې روغتون ته انتقال شوې دي.

تر اوسه کوم کس یا کومې ډلې د یادې پېښې مسوولیت نه دی منلی.

Hits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.