ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کندهار کې ځانمرګي بريد پنځو تنو ته مرګ ژوبله واړوله

کندهار کې ځانمرګي بريد پنځو تنو ته مرګ ژوبله واړوله

author avatar
25 Dec 2018 - 16:50
کندهار کې ځانمرګي بريد پنځو تنو ته مرګ ژوبله واړوله
author avatar
25 Dec 2018 - 16:50

کندهار (پژواک ٤ مرغومى ٩٧): د کندهار ښار په عينو مېنه کې ځانمرګى بريد شوى چې دوه تنه په کې وژل شوي او درې نور ټپيان دي.

د کندهار د امنیې قوماندانۍ ویاند ضیا دراني، پژواک خبري اژانس ته وويل چې دغه بريد نن نږدې مازيګر د يوولسمې ناحيې اړوند د عينو مېنې په درېم سړک کې شوى دى.

ده زياته کړه، دا چې ځانمرګی بريدګر د امنيتي ځواکونو له خوا تر تعقیب لاندې وو، نو نور يې خپلې موخې ته د رسېدو توان له لاسه ورکړی و او په همدې ځای کې يې ځان ته انفجار ورکړی دی.

له بلې خوا، نن ماښام د کندهار ښار د ۵مې امنیتي حوزې اړوند جمهوریت څلي ته څېرمه وسله والو موټر سایکل سپرو د ولسي جرګې د یوه کاندید منور احمد واحدي پر موټر ډزې کړې دي.

د کندهار د والي وياند عزيزاحمد عزيزي وايي چې په موټر کې په خپله منور واحدي نه و، خو موټر چلوونکی يې وژل شوی او یو بل تن ټپي دی.

د دغو دواړو پېښو مسوولیت تر دې دمه چا نه دی اخیستی.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.