ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

حنيف اتمر هم د ولسمشرۍ لپاره ځان نوماند کړ

حنيف اتمر هم د ولسمشرۍ لپاره ځان نوماند کړ

author avatar
18 Jan 2019 - 14:53
حنيف اتمر هم د ولسمشرۍ لپاره ځان نوماند کړ
author avatar
18 Jan 2019 - 14:53

کابل (پژواک، ٢٨ مرغومى ٩٧): د ملي امنيت پخوانى سلاکار محمد حنيف اتمر هم د راتلونکو ولسمشريزو ټاکنو لپاره نوم ليکنه وکړه.

نوموړي د مرغومي په ٢٨مه له نوم ليکنې مخکې په کابل ښار کې يوه لويه غونډه رابللې وه چې په کې يې د خپل انتخاباتي ټيم اعلان هم وکړ.

حنيف اتمر وويل چې ټاکنيز ټيم يې ((سوله له او اعتدال)) نومېږي، محمد يونس قانوني به يې لومړى او محمد محقق به يې دويم مرستيال وي.

هغه زياته کړه چې د هېواد ٣٠ سياسي ګوندونو او جريانونو او ٢٠ مهمو شخصيتونو د ده له ټاکنيز ټيمه ملاتړ کړى دى.

د نوموړي په وينا، پخواني ولسمشر حامد کرزي، پير ګيلاني، صبغت الله مجددي، سيد منصور نادري، اسماعيل خان، عطاء محمد نور او يو شمېر نورې سياسي څېړې يې ملاتړي دي.

د دې غونډې پر مهال د حنيف اتمر او د هغه د مرستيالانو ترمنځ يو هوکړه لیک لاسليک شو.

اتمر يادې غونډې ته د سولې په تړاو هم خبرې وکړې او ویې ویل چې په دې اړه ګڼې اندېښنې شته دي.

د هغه په وينا، د سولې په اړه د اوسني حکومت کړنلاره د باور وړ نه ده او په دې برخه کې په پرېکړو کې انحصار موجود دی.

اتمر وايي، حکومت داسې تګلاره غوره کړې چې د ملت له غوښتنو سره سمون نه لري او اوس هم د پنځو نورو کلونو لپاره د سولې خبرې کوي.

نوموړي زياته کړه ملت نور پنځه کاله د وينې تويېدنې توان نه لري، سوله د ټولو هيله ده او په دې برخه کې به په رښتينې توګه کار وکړي.

حنيف اتمر وويل چې د دغه ټکټ مهمه موخه افغانستان له اوسنيو حالاتو او اوسني حکومته خلاصول دي.

د نوموړي په وينا، افغانستان له څلورو ګواښونو سره مخ دى، تحميلي جګړه، نړيوال رقابتونه او د سيمې بې ثباتي، فقر او محروميت او وروستى ګواښ د اوسني حکومت ناتواني ده چې دغه ګواښونه اوستونزې نه شي هوارولى.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.