ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

دايکنډي کې د جنسي تېري قرباني شوې يوه ١٧کلنه نجلۍ عدالت غواړي

10 Mar 2019 - 14:27
10 Mar 2019 - 14:27

 نیلی(پژواک،۱۹ کب ۹۷): د دایکنډي سیمه ییز چارواکي وايي، یوه ۱۷ کلنه نجلۍ چې دوه اوونۍ مخکې په شهرستان ولسوالۍ کې د څلورو کسانو له خوا تر اختطاف وروسته پرې جنسي تېری شوی د عدالت غوښتنې لپاره نیلې ته راغلې او د عدالت غوښتنه کوي.

د دایکنډي ولایت د ښځو چارو رییسه ذکیه رضايي یاده پېښه تاییدوي او وايي، د دې قضیې په اړه څېړنې پیل شوې او عاملان به یې د قانون منګولو ته وسپارل شي.

د شهرستان ولسوالۍ د «شینیه لرګر» کلي اوسېدونکې مرجان (مستعار نوم) چې د عدالت غوښتنې لپاره نیلي ته راغلې پژواک ته وویل، شاوخوا دوه اوونۍ مخکې د څلورو کسانو له خوا اختطاف او د یوتن کورته تر انتقال وروسته پرې د کور د اوسېدونکي له خوا جنسي تېرى شوی دی.

د هغې په خبره، یاد هلک له نکاح پرته پرې جنسي تېرى کړی او وروسته یې نوموړې د پلار کورته لېږلې ده.

د یادې نجلۍ پلار خداداد وویل، پر لور یې یوه هلک جنسي تېرى کړی خو د هلک د کورنۍ د ډار له امله نه دي توانېدلي چې ژر اقدام وکړي.

هغه له عدلي او قضايي او د ښځو د حقونو د دفاع بنسټونو څخه و غوښتل چې د دې قضیې عاملین د قانون منګولو ته وسپاري.

د یادونې ده چې تېره ورځ د دایکنډي په میرامور ولسوالۍ کې سیمه ییزو چارواکو ريزه ګل په نوم د یوې کم عمره ماشومې د پلور مخه نیولې او د دې قضیې په تور یې څلور کسان نیولي دي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.