ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ټرمپ: تر راتلونکو دوو اوونیو به د افغان سولې په اړه د مهمې هوکړې شاهدان یو

19 Aug 2019 - 06:12
19 Aug 2019 - 06:12

کابل (پژواک، ٢٨ زمرى ٩٨): د امريکا د متحده ايالتونو ولسمشر وايي، له طالبانو او افغان حکومت سره یې ګټورې خبرې لرلې دي او په راتلونکو دوو اوونیو کې به د یوې هوکړې د لاسلیک شاهدان وي.

ډونالډ ترمپ دغه څرګندونې په یوه خبري کنفرانس کې په ډاګه کړې دي.

ده ويلي، د خپلې کابینې له مهمو غړو سره یې د افغانستان د سولې په اړه ګټورې خبرې کړې دي او ډېر ژر به په دغه هېواد کې د امریکايي ځواکونو حضور پای ته ورسېږي او هم به ډېر ژر به د افغان سولې په اړه یوه مهمه هوکړه رامنځته شي.

هغه زياته کړې، دوی به یوه استخباراتي ډله په افغانستان کې پرېږدي؛ دا ځکه چې دغه هېواد د ترهګرو پر لابرتوار بدل نه شي، دغه ډله به هلته د ترهګرو ډلو مخنیوی کوي.

نوموړي یو ځل بیا ټینګار کړی چې خپل ځواکونه به له افغانستانه وباسي، خو د افغانستان او په سیمه کې د ترهګرۍ د څارلو لپاره به یې وړه او پیاوړې استخباراتي ډله فعالیت کوي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.