ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د طالبانو لوړپوړى پلاوى چین ته لاړ

22 Sep 2019 - 14:00
22 Sep 2019 - 14:00

کابل (پژواک، ٣١ وږى ٩٨): وسله وال طالبان وايي چې د دې ډلې د سياسي مرستيال ملا برادر په مشرۍ يو نهه کسيز پلاوى چين ته سفر کړى دى.

دغه مطلب د دې ډلې د وياند ذبيح الله مجاهد له خوا په خپره شوې خبرپاڼه کې په ډاګه شوى دى.

په خبرپاڼه کې راغلي چې نن د چين په پلازمېنې بيجنګ کې د افغانستان لپاره د چين د ځانګړي استازي ډين شیجون او ورسره لوړپوړي هيئت له خوا د طالبانو استازو ته هرکلی وویل شو.

سرچينه کاږي، له چینايي لوړپوړو چارواکو سره د طالبانو د پلاوې لیدنې کتنې روانې دي، دواړه خواوې به له افغانستان څخه د بهرنيو پوځيانو د وېستلو، د سياسي او اقتصادي اړيکو او همدا ډول په افغانستان او سیمه کې د سولې او ټيکاو په اړه خبرې او بحثونه وکړي.

سرچينه زياتوي، ملا برادر اخند چینايي چارواکو ته له امریکایي جهت سره د مذاکراتو د بهیر په اړه د طالبانو دريځ روښانه کړ، چې د چینايي چارواکو له خوا د دوى د دريځ ملاتړ وشو.

په تېرو کابو دووه اونيو کې د طالبانو د قطر دفتر دوه پلاوي روسيې او ايران ته هم سفرونه کړي دي.

شاوخوا دوه اونۍ مخکې په کابل کې له ځانمرګي بريد وروسته چې په ترڅ کې يې د يوه امريکايي په ګډون دوه د ناټو سرتېري او لس افغانان ووژل شول، د امريکا ولسمشر ډونالډ ټرمپ له طالبانو سره خبرې ودرولې.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.