ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

سمنګان کې یوه ښوونځي ته ودانۍ جوړېږي

1 Oct 2019 - 10:35
1 Oct 2019 - 10:35

 

ایبک (پژواک، ۹ تله ۹۸): د سمنګان د مرکز ایبک اړوند د لرغان کلي د هلکانو ښوونځي ته د ۹ اعشاریه درې ميلیونه افغانو په لګښت نوې ودانۍ جوړېږي.

د سمنګان د پوهنې ريیس نن د یاد ښوونځي ودانۍ د کار د پیل په مراسمو کې وویل چې دغه ودانۍ ۱۲ ټولګي او اداري خونې، کمپیوټر، لابراتوار او نور اړوند ملحقات په نظر کې نیول شوي دي.

د هغه په خبره چې په دغه ښوونځي کې دمګړۍ ۱۳۰۰ هلکان په یوه غیر معیاري ودانۍ کې زده کړې کوي.

د سمنګان والي عبدالطیف ابراهیمي د دې پروژې له ترسره کوونکي وغوښتل چې د ښوونځي ودانۍ په جوړولو کې له ښه کیفیت لرونکو توکو ګټه واخلي او له تړون سره سم کار پر مخ بوځي.

د سمنګان د پوهنې ریاست د معلوماتو له مخې چې د دغه ولایت په ۳۰۰ ښوونځیو کې ۱۱۹زره زده کوونکي پر زده کړو بوخت دي.

د سرچینې د معلوماتو له مخې، د یادو ښوونځیو له ډلې ۲۰۶ یې ودانۍ لري او ۹۴ نور یې د ودانۍ نه درلودو له امله په کرایي ودانیو او یو شمېر نور یې تر خېمو لاندې زده کړې کوي.

Hits: 2

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.