ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پروان کې د سیمه ییزو پولیسو د یوه قوماندان زوی وژل شوی

19 Oct 2019 - 06:11
19 Oct 2019 - 06:11

کابل (پژواک، ۲۷ تله ۹۸): د پروان ولایت د جبل سراج ولسوالۍ په اشابه دره کې د سیمه ییزو پولیسو د یوه قوماندان زوی د ناپېژاندو وسله والو په کمین کې وژل شوی دی.

د پروان د والي ویانده وحیده شهکار وایي، د قوماندان نصرالله زوی، مظفر پرون ناوخته د جبل السراج ولسوالۍ له مرکزه خپل کور ته په موټر کې روان و چې د یادې ولسوالۍ په توتک سیمه کې د وسله والو طالبانو په مخامخا کمین کې ووژل شو.

د پروان امنیه قوماندان محمد محفوظ ولي زاده هم د یاد کس وژل کېدل تاییدوي خو دا چې مظفر د کومې ډلې له خوا وژل شوی، په اړه یې څه نه دي ویلي.

هغه وایي چې د قوماندان نصرالله زوی د سیمه ییز پولیسو سرتېری و.

پر مظفر د برید مسوولیت تر اوسه کومې ډلې پر غاړه نه دی اخیستی.

Hits: 2

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.