ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې د پاکستانیانو په ګډون د داعش نږدې ١٠٠ غړي دولت ته تسليم شوي

12 Nov 2019 - 09:02
12 Nov 2019 - 09:02

جلال اباد (پژواک، ٢١ لړم ٩٨): د ١٣ پاکستانيانو، ښځو او ماشومانو په ګډون د داعش ډلې نږدې ١٠٠ غړي په ننګرهار ولايت کې دولت ته تسليم شوي دي.

د ننګرهار د والي وياند عطاءالله خوږياڼي د لړم په ٢١مه پژواک خبري اژانس ته وويل چې دغه کسان تېره شپه په اچين ولسوالۍ کې د ملي اردو ځانګړو ځواکونو ته تسليم شوي دي.

هغه زياته کړه چې په تسليم شوو کې ١٣ پاکستانيان، ١٧ مېرمنې او ماشومان شامل دي.

د نوموړي په وينا، دا لړۍ روانه ده او ډېر ژر به بشپړ معلومات له رسنيو سره شريک شي.

بلخوا د ملي دفاع وزارت له خوا په يوه خپره شوې خبرپاڼه کې راغلي چې دغه کسان د ملي اردو کومانډو ځواکونو د چاڼيزو عملياتو پر مهال دوى ته تسليم شوي دي.

سرچينې زياته کړې چې په تسليم شوو کې ١٧ ښځې او ٢٨ ماشومان هم شامل دي.

د يو بل خبر له مخې، د اچين ولسوالۍ په مامندرې سيمه کې د داعش وسله والو پر پټنځايونو د توغندیو بریدونه شوي چې په ترڅ کې يې شپږ داعش وسله وال وژل شوي دي.

د ننګرهار د والي وياند وايي، په اچين ولسوالۍ کې د داعش وسله والو د ځپلو په موخه د ګډو ځواکونو عمليات جريان لري چې په کې ډېرې سيمې ترې پاکې شوې دي.

داعش ډلې تر اوسه په دې اړه څه نه دي ويلي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.