ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په بغلان کې د ترافيکي پېښې له امله ٤٠کسان ټپيان شوي

18 Nov 2019 - 06:25
18 Nov 2019 - 06:25

کندوز ښار (پژواک، ٢٧ لړم ٩٨): د کندوز-بغلان پر لويه لار د يوې ترافيکې پېښې له امله ٤٠ کسان ټپيان شوي او يو بل مړ شوى دى.

د بغلان ولايت د ترافيکو مدير سمونيار محمد نبي نبي زاده د لړم په ٢٧مه پژواک خبري اژانس ته وويل چې تېره شپه د کندوز-بغلان پر لويه لار د مرکزي بغلان ولسوالۍ په ګرداب سيمه کې يو ٣٠٤ موټر له سړک څخه اوښتى او اوبو ته غورځېدلى دى.

هغه وايي چې په دغه پېښه کې يو تن مړ شوى او يو بل ټپي شوى دى.

خو د کندوز ولايت د حوزوي روغتون آمر محمد نعيم منګل پژواک ته وويل چې له يادې پېښې دوى ته ٤٠ ټپيان انتقال شوي دي.

نوموړي وويل:((د ټولو ټپيانو روغتيايي حالت ښه دى، په وخت سره موږ د ټولو ټپيانو درملنه کړې ده.))

د مرکزي بغلان ولسوالۍ ګرداب سيمه د کندوز ولايت له علي اباد ولسوالۍ سره نښتې ده.

د يادونې ده چې ډېرى مهال دغه ډول پېښې د موټر چلوونکو د بې احتياطۍ او يا هم د سړک د خرابوالي له امله رامنځته کيږي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.