ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې د دوو کورنيو ترمنځ وسله واله شخړه کې نهه کسان وژل شوي

21 Nov 2019 - 07:03
21 Nov 2019 - 07:03

جلال اباد (پژواک، ٣٠ لړم ٩٨): د ننګرهار په خوږياڼو ولسوالۍ کې د دوو کورنيو ترمنځ نښته کې ١٣ کسانو ته مرګ ژوبله اوښتې ده.

د ننګرهار د والي وياند عطاءالله خوږياڼي د لړم په ٣٠مه پژواک خبري اژانس ته وويل چې دا پېښه نن سهار د خوږياڼو ولسوالۍ اړوند د بډا کڅ په سيمه کې رامنځته شوې ده.

هغه زياته کړه چې په ياده سيمه کې د انور او ورېښمين په نومونو د دوو کورنيو ترمنځ د کورني تاوتریخوالي له امله شخړه شوې ده.

خوږياڼى وايي چې د شخړې پر مهال دواړو لورو پر يوه بل ډزې کړې چې له امله يې له دواړو لورو ٩ تنه وژل شوي او څلور نور ټپيان دي.

د نوموړي د معلوماتو له مخې، په وژل شوو کې پنخه د انور او څلور نور د ورېښمين کورنيو پورې تړاو لري .

هغه زياته کړه چې پوليسو په سيمه کې پلټنې پيل کړې دي او ټپيان روغتون ته لېږدول شوي دي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.