ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په پکتيکا کې د دوو پروژو چارې پيل شوې

30 Nov 2019 - 12:42
30 Nov 2019 - 12:42

ښرنه (پژواک، ٩ ليندۍ ٩٨): د پکتيکا په دوو ولسواليو کې د څه باندې ٦٣ ميليونه افغانيو په لګښت د دوو پروژو چارې پيل شوې او يوه بله پروژه ګټې اخيستنې ته وسپارل شوه.

د پکتيکا والي مجيب الرحمن څمکني د ليندۍ په نهمه په دې اړه جوړې شوې غونډې ته وويل چې په جاني خېلو ولسوالۍ کې د څه باندې ٥٢ ميليونه افغانيو په لګښت د يوه ٣٠ بستريز روغتون د جوړېدو چارې پيل شوې.

هغه وايي: ((د جاني خېلو ولسوالۍ اوسېدونکو په روغتيايي برخه کې مشکلات درلودل چې د دغه روغتون په جوړېدو سره به يې مشکلات تر ډېره کم شي.))

دغه راز د يادې ولسوالۍ اوسېدونکي محمد سردار پژواک ته وويل چې دوى په روغتيايي برخه کې له ډېرو ستونزو سره مخامخ دي.

ده زياته کړه: ((زه باوري يم چې د دې شفاخانې په جوړېدو سره به تر ډېره زموږ مشکلات حل شي، خو غوښتنه مې دا ده چې شفاخانه ده او په ښه کيفيت بايد ورته کار وشي.))

همدارنګه د پکتيکا والي وويل چې د خيرکوټ ولسوالۍ په سيګاني کلي د څه باندې اته ميليونه افغانيو په لګښت د اته زره متره مکعبه استنادي دېوال د جوړېدو چارې هم پيل شوې.

ده زياته کړه: ((د دغه دېوال په جوړېدو سره به ډېرې ځمکې د سيلابونو له ګواښ څخه وژغورل شي.))

همداراز والي وويل، د خيرکوټ ولسوالۍ په محمد حسن کلي کې د درې ميليونه افغانيو په لګښت پر اووه کيلومټره سړک د چغل اچونې چارې پاى ته ورسېدې.

د دغې ولسوالۍ قومي مشرانو او ځوانانو د دې پروژې له بشپړېدو خوښي څرګنده کړه او ويې ويل چې حکومت بايد دوى ته ورته نورې پروژې هم عملي کړي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.