ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کندوز د چهاردرې ولسوال ټپي شوی

8 Dec 2019 - 07:11
8 Dec 2019 - 07:11

کندوز ښار (پژواک، ١٧ لېندۍ ٩٨): د کندوز د چهاردرې ولسوال او دوه ساتونکي يې د يوه ماين په چاودنه کې ټپيان شول.

د کندوز د والي وياند عصمت الله مرادي د لېندۍ په ١٧مه پژواک خبري اژانس ته وويل چې نن سهار د چهاردرې د ولسوال حفيظ الله ساپي پر موټر د چهاردرې پول په سيمه کې د ماين چاودنه شوې ده.

هغه وايي چې دغه چاودنه د چسپکي ماين له امله رامنځته شوې چې په ترڅ کې ولسوال او دوه ساتونکي يې ټپيان شوي دي.

ده زياته کړه: ((ولسوال په خپل شخصي موټر کې ناست و، له کندوز ښاره ولسوالۍ ته روان و چې چاودنه پرې شوې ده.))

مرادي زياتوي چې د ولسوال او ساتونکو روغتيايي وضعيت يې د ډاډ وړ دى.

د دې چاودنې مسوولت تر اوسه کومې ډلې پر غاړه نه دى اخيستى.

د يادونې ده، چهاردره د کندوز ښار سوېل ته په ٢٠ کيلومترۍ پرته ولسوالي ده چې نږدې ټولې سيمې يې د وسله والو طالبانو په کنټرول کې دي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.