ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

“په میدان وردګو کې ۲۵ طالبان وژل شوي”

9 Dec 2019 - 11:53
9 Dec 2019 - 11:53

 

کابل(پژواک، ۱۸ لېندۍ ۹۸): د کورنیو چارو وزارت وايي چې په میدان وردګو ولایت کې د ځانګړو ځواکونو په عملیاتو کې ۲۵ وسله وال طالبان وژل شوي او دغه راز ددغه ولایت په اړوند سیمو کې د کابل ــ کندهار عمومي لار د وسله والو له موجودیته پاکه شوې ده.

د کورنیو چارو وزارت ویاند نصرت رحیمي پژواک ته وویل، یاد عملیات د کورنیو چارو وزارت د امنیتي چارو ارشد معین مل پاسوال خوشحال سادات په مشرۍ ترسره شوي دي.

خو نوموړي د عملیاتو د کره وخت په اړه معلومات ورنه کړل.

رحیمي زیاته کړه، په یادو عملیاتو کې د پولیسو د ځانګړې قطعې د منسوبینو له خوا ۲۵ وسله وال وژل شوي او یو مرکز یې له منځه وړل شوی دی.

د ده په خبره، د عملیاتو په جریان کې څو کړۍ ماینونه، وسلې او مهمات هم شکف او له منځه وړل شوي دي.

رحیمي وویل، په یادو عملیاتو کې د میدان وردګو ولایت اړوند سالارو په سیمه کې د کابل ــ کندهار عمومي لویه لار له طالبانو پاکه شوې ده.

بلخوا طالبانو تر اوسه په دې اړه څه نه دي ویلي.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.