ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

مُحب: د ناکامورا قاتلین به ډېر ژر ونيول شي

مُحب: د ناکامورا قاتلین به ډېر ژر ونيول شي

author avatar
11 Dec 2019 - 10:16
مُحب: د ناکامورا قاتلین به ډېر ژر ونيول شي
author avatar
11 Dec 2019 - 10:16

کابل (پژواک، ٢٠ لېندۍ ٩٨): د ملي امنيت سلاکار حمدالله محب وايي چې د هېواد ملي امنيتي ځواکونه به د ډاکتر ناکامورا قاتلين تر پېژندلو وروسته ډېر ژر ونیسي.

د ملي امنيت شورا مطبوعاتي دفتر له خوا د لېندۍ په ٢٠مه په يوه خپره شوې خبرپاڼه کې راغلي چې حمدالله محب دغه څرګندونې پرون ماښام د جاپان له سفير ميټسو جي سوزو سره په ليدنه کې وکړې.

سرچينې زياته کړې، په دې ليدنه کې د ملي امنیت سلاکار وویل، ډاکتر ناکامورا د خپل عمر ډېر وخت د افغانستان خلکو ته په خدمت کې تېر کړ چې نه شتون يې افغانانو او حکومت ته لويه ضایعه بلل کېږي.

د هغه په وينا، د افغانستان خلک د هغه د مرګ په خبر اورېدو سخت خواشيني دي.

د ملي امنيت سلاکار وويل چې د افغانستان امنیتي او دفاعي ځواکونه به ډېر ژر د ډاکټر ناکامورا قاتلین له پېژندلو وروسته ونیسي، عدلي او قضايي ارګانونو ته به يې معرفي کړي.

هغه څرګنده کړه چې د افغانستان امنیتي او دفاعي ځواکونه د ټولو بهرنیو وګړو او ډيپلوماتانو د امنیت د تامین مسوولیت لري او هڅه به وکړي چې دغه مسوولیت ته پاملرنه نوره هم ډېره کړي.

د جاپان سفير د افغانستان د خلکو او حکومت د خواخوږۍ قدرداني وکړه او ويې ویل چې هېواد به يې هڅه وکړي څو د ډاکټر ناکامورا نيمګړې پروژې بشپړې کړي.

د جاپانۍ مرستندويې موسسې مشر ډاکتر ناکامورا تېره اوونۍ په جلال اباد ښار کې له خپلو پنـځو نورو ملګرو سره ووژل شو.

پرون د ننګرهار ولايت چارواکو ويلي چې د ناکامورا د وژلو په تور يې دوه کسان نيولي دي.

Visits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.