ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

هرات کې په دویمه ترافیکي پېښه کې ۹ کسانو ته مرګ ژوبله اوښتې

1 Oct 2020 - 13:56
1 Oct 2020 - 13:56

هرات ښار (پژواک، ۱۰ تله ۹۹): د هرات حکومتي مسوولین وایي چې په دغه ښار کې د یوې ترافیکي پېښې له امله پنځه کسان مړه شوي او څلور نور ټپیان دي.

د هرات د والي ویاند جیلاني فرهاد وایي چې نن سهار شاوخوا لس بجې د هرات- اسلام کلا پر لویه لار دوو سراچو له یوه نفت وړونکي ټېلر سره  ټکر کړی دی.

د فرهان په وینا، په دغه پېښه کې پنځه سړي مړه شوي او څلور نور ټپیان شوي دي.

هغه زیاته کړه، د نفتو وړونکی ټېلر له اسلام کلا نه هرات ښار ته روان و چې د اسلام کلا ښار اړوند یې له دغو دوو سراچو موټرو سره ټکر کړی دی.

چټک تګ او د ترافیکي  قوانینو او مقرراتو نه مراعاتول د دغې پېښې لاملونه بلل کېږي.

دا په داسې حال کې ده چې نن سهار هم په یوه بله ترافیکي پېښه کې چې د هرات-کندهار پر لویه لار رامنځته شوه، لس کسان مړه شوي او شپږ نو ټپیان دي.

Hits: 2

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.