ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

افغانستان له پاکستان سره د وېزو برخه کې د اسانتياوو په اړه خبرې کوي

22 Oct 2020 - 07:08
22 Oct 2020 - 07:08

کابل (پژواک، د لړم لومړۍ نېټه ٩٩) : د افغانستان د بهرنيو چارو وزارت وايي چې د پاکستان له حکومت سره افغانانو ته د وېزو په برخه کې د نورو اسانتياوو رامنځته کولو په اړه خبرې کوي.

د بهرنيو چارو وزارت دا څرګندونې په داسې حال کې کړې دي چې پرون په جلال اباد ښار کې لسګونه زره کسان د پاکستان وېزو لپاره راټول شوي وو، چې د ګڼې ګوڼې له امله ١٢ ښځې مړې او د نهو ښځو په ګډون ١٣ کسان ټپيان شوي دي.

د بهرنيو چارو وزارت له خوا د لړم په لومړۍ نېټه، په يوه خپره شوې خبرپاڼه کې راغلي چې پر يادې پېښې سخت خواشيني شوي دي.

سرچينې زياته کړې چې د کرونا له امله د لارو او وېزو د بندېدو، د وېزو د غوښتونکو ډېرښت او د لازمو تدابيرو نشتوالي له امله ياده پېښه رامنځته شوې ده.

د بهرنيو چارو وزارت ويلي چې په کابل کې د پاکستان له سفارت سره په همکارۍ او همغږۍ او د ننګرهار ولايت له چارواکو سره په ګډه به د وېزو په برخه کې د نوي رژيم او نورو اسانتياوو رامنځته کولو لپاره هڅې وکړي.

بلخوا تر يادې پېښې وروسته د ننګرهار والي ضياء الحق امرخېل په دغه ولایت کې د پاکستان هېواد له سر کونسل عبادالله سره لیدلي دي.

د ننګرهار ولايت مقام له خوا په يوه خپره شوې خبرپاڼه کې راغلي چې ددغې ناستې پر مهال چې د ولایت مرستیال، بهرنیو چارو او د دفتر رئیسانو هم حضور درلود، دواړو لورو په رامنځته شوې پېښې خواشیني وښوده او د وېزو په برخه کې یې د اسانتياوو د رامنځته کېدو په موخه نظریات شریک کړل او په قانوني لارو يې مخکې تګ باندې ټينګار وکړ .

د ننګرهار والي د پاکستان له لوري تر دې مهاله د وېزو په برخه کې د همکارۍ ستاینه وکړه او هیله یې وښوده چې په دغې برخه کې لا همکاري زیاته شي .

Hits: 2

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.