ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پوليسو ننګرهار کې د يو سوداګر د تښتونې په تور څلور کسان نيولي

22 Oct 2020 - 10:59
22 Oct 2020 - 10:59

جلال اباد (پژواک، د لړم لومړۍ نېټه ۹۹): د ننګرهار امنيتي چارواکي وايي، پوليسو جلال اباد ښار کې د وسله والو انسان تښتونکو يوه څلور کسيزه ډله نيولې چې د يو سوداګر د تښتونې پلان يې درلود.

دوی وايي، نيول شويو کسانو تر دې وړاندې هم د ننګرهار مختلفو سيمو کې يو شمېر کسان لوټلي او د پيسو په خاطر يې تښتولي وو.

د ننګرهار امنيه قوماندان پاسوال غلام سنايي ستانکزي د لړم په لومړۍ نېټه پژواک اژانس ته وويل، نيول شويو کسانو کې د سيد قيوم پاچا په مشرۍ عزت الله او اکرام الله د بټي کوټ او ګل محمد د سره رود ولسوالۍ اوسېدونکي دي، چې په جلال اباد ښار او د تورخم لويې لارې په اوږدو کې به يې سوداګر او صرافان تښتول.

هغه زياته کړه، يادو اختطاف کوونکو د هغو کسانو له کورنيو پيسې غوښتې چې دوی به تښتولي وو او له ځان سره به يې ساتل.

نوموړی زیاتوي، يادو کسانو څه موده وړاندې د يو سوداګر وراره هم تښتولی و او اوس یې په داسې حال کې نيولي چې د يو بل سوداګر د تښتولو پلان يې درلود.

امنيه قوماندان وايي نيول شوي انسان تښتوونکي تر څېړنو لاندې دي او که څوک پرې ادعا لري، کولی شي چې امنې قوماندانۍ ته مراجعه وکړي او خپله قضيه ثبت کړي.

Hits: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.