ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

بدخشان کې شل طالبان هوايي برید کې وژل شوي

30 Oct 2020 - 07:50
30 Oct 2020 - 07:50

کابل (پژواک، ۹ لړم ۹۹): د ملي دفاع وزارت وايي چې بدخشان کې د هوايي ځواکونو په یوه برید کې شل طالبان وژل شوي، د هغوی لس مورچې او یوه اندازه مهمات او وسلې له منځه تللي دي.

په هغې خبرپاڼه کې چې د ملي دفاع وزارت له خوا خپره شوې، راغلي چې دغه هوايي برید تېره ورځ د بدخشان په یفتل بالا ولسوالۍ کې شوی دی.

خبرپاڼه کې راغلي: ((د هېواد هوايي ځواکونو د طالبانو د راټولېدنې یو محل چې د ترهګریزو بریدونو په طرحه کولو بوخت وو، په یفتل بالا ولسوالۍ کې په نښه کړ چې په پایله کې یې شل طالبان وژل شوي او اووه نور ټپيان شوي دي.))

د سرچینې له مخې، په دغه برید کې ګڼې وسلې، مهمات او د طالبانو درې مهمې مورچې هم له منځه تللي دي.

خو طالبانو تر اوسه په دې اړه څه نه دي ویلي.

Hits: 4

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.