ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د ننګرهار په خوږياڼو ولسوالۍ کې ۸ پاڅون کوونکو ته مرګ ژوبله اوښتې ده

د ننګرهار په خوږياڼو ولسوالۍ کې ۸ پاڅون کوونکو ته مرګ ژوبله اوښتې ده

author avatar
28 Mar 2021 - 12:37
د ننګرهار په خوږياڼو ولسوالۍ کې ۸ پاڅون کوونکو ته مرګ ژوبله اوښتې ده
author avatar
28 Mar 2021 - 12:37

جلال اباد (پژواک، ۸ وری ۱۴۰۰): د ننګرهار په خوږياڼو ولسوالۍ کې د وسله والو طالبانو په بريد کې پنځه پاڅون کوونکي وژل شوي او درې نور ټپيان دي.

د یادې ولسوالۍ ولسوال محمد ايوب بهار د وري په ۸مه پژواک اژانس ته وويل چې وسله والو طالبانو تېره شپه د دې ولسوالۍ اړوند کمبو سيمه کې د ولسي پاڅونوالو پر پوسته بريد کړی دی.

هغه په دې اړه نور جزئيات ورنه کړل.

خو يوې بلې امنيتي سرچينې پژواک ته وويل چې وسله والو طالبانو تېره شپه د خوږیاڼو ولسوالۍ کمبو سیمه کې د ولسي پاڅون کوونکو پر پوستې بريد کړى دى.

هغه وايي چې په دغه ډله ییز برید کې پنځه پاڅون کوونکي وژل شوي او درې نور ټپيان دي.

سرچینه وایي، په پېښه کې وسله والو طالبانو ته هم درنه مرګ ژوبله اوښتې خو کره شمېره تر اوسه معلومه نه ده.

بل لور ته وسله وال طالبان هم دغه جګړه تاييدوي.

د دې ډلې وياند ذبيح الله مجاهد وايي چې د ننګرهار په خوږياڼو ولسوالۍ کې د طالبانو په بريد کې پنځه پاڅون کوونکي وژل شوي او درې نور ټپيان شوي دي.

Views: 155

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.