ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

له کابل هوايي ډګر څخه له لنډ ځنډ وروسته الوتنې بېرته پيل شوې

8 Apr 2021 - 19:18
8 Apr 2021 - 19:18

کابل (پژواک، ١٩ ورى ١٤٠٠) : په افغانستان کې د ناټو غوڅ ملاتړ ماموريت وايي چې کابل کې د حامد کرزي نړيوال هوايي ډګر کې د کيندنو پر مهال زاړه چاودېدونکي توکي موندل شوي دي.
د دغه ماموريت يوه چارواکي د وري په ١٩مه، پژواک اژانس ته وويل چې دغه چاودېدونکي توکي له پخوا وختونو څخه پاتې و.
ناټو ويلي چې هلته د کيندنو او بيارغونې پر مهال له ځغاست ليکې سره دغه چاودېدونکي توکي د ترکي ځواکونو له خوا وموندل شول او بيا ورته چاودنه ورکړل شوه.
سرچينې زياته کړې چې له لنډ ځنډ وروسته د کابل نړيوال هوايي ډګر څخه ملکي الوتنې بېرته پيل شوې.
له کابل څخه د الوتنو د ځنډېدو له امله افغانستان ته نن د پاکستان د پارلمان د مشر اسد قيصر په مشرۍ د پلاوي سفر هم وځنډېد.
د نوموړي الوتکه تر کابله رارسېدلې وه، خو له دې ځاى څخه بېرته ولېږل شوه.
د ولسي جرګې د رییس میر رحمان رحماني د دفتر مسوول فهیم کارګر، کابل ته د پاکستان د پارلماني پلاوي د سفر لغوه کېدل پژواک ته تایید کړل.

Hits: 41

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.