ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په قطر کې د ترکیې سفیر: له افغان ولس سره خپلو اړيکو او مرستو ته دوام ورکوو

په قطر کې د ترکیې سفیر: له افغان ولس سره خپلو اړيکو او مرستو ته دوام ورکوو

author avatar
2 Sep 2021 - 10:39
په قطر کې د ترکیې سفیر: له افغان ولس سره خپلو اړيکو او مرستو ته دوام ورکوو
author avatar
2 Sep 2021 - 10:39

کابل(پژواک، ۱۱ وږی ۱۴۰۰): د ترکیې سفیر په قطر کې د طالبانو د سیاسي دفتر له مرستیال سره په لیدنه کې له افغانانو سره د ترکیې د مرستو د دوام ډاډ ورکړی، هیله یې څرګند کړې چې په افغانستان کې پياوړی او د افغان ولس د خوښې نظام رامنځته شي.

دا په داسې حال کې ده چې پرون د طالبانو د سیاسي دفتر مرستیال شېر محمد عباس ستانکزي ویلي و چې تر راتلونکو دوو ورځو به افغانستان کې داسې نوی ټولګډونه حکومت اعلان شي چې ټول ملیتونه او سیاسي ګوندونه به په کې ځان وویني.

د طالبانو د قطر سیاسي دفتر ویاند ډاکټر محمد نعیم پر خپله ټوېټر پاڼه لیکلي چې د طالبانو د سياسي دفتر مرستيال شېر محمد عباس ستانكزي او ور سره پلاوي تېره ورځ په دوحه کې د ترکيې له سفير دوکتور مصطفی کوکصو سره په لیدنه کې د افغانستان د روان او راتلونكي وضعيت په اړه خبرې کړې دي.

د هغه په وینا، د تركيې سفیر ويلي چې ترکیه به له افغان ولس سره خپلو اړيکو او مرستو ته دوام ورکړي.

د ده د څرګندونو له مخې، په دغه لیدنه کې د ترکیې سفیر هيله څرګنده کړې چې په افغانستان کې يو پياوړی او د افغان ولس د خوښې نظام رامنځ ته شي.

دی وایي: «د اسلامي امارت پلاوي هم له ترکيې سره د ښو او دوامداره اړيکو هيله څرګنده کړه.»

Views: 102

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.