کابل (پژواک، ۲۵ لړم ۱۴۰۰): د کورنیو چارو وزارت وایي چې د کابل ښار په سینماپامیر کې د اورلګېدنې له امله څلور دوکاونه سوځېدلي او اوس اور کنټرول شوی دی.
د کورنیو چارو وزارت ویاند قاري سعید خوستي پژواک خبري اژانس ته وویل چې څو شېبې مخکې (ماښام مهال) د کابل ښار د لومړۍ ناحیې په سینماپامیر سیمې په یوه دوکان کې د برښنا شارټۍ له امله اورلګېدلی دی.
د ده په وينا، د اورلګېدنې له امله څلور دوکاونه سوځېدلي دي خو سیمې ته اطفائیه رسېدلې او اور یې کنټرول کړی دی.
Views: 55