مزارشریف (پژواک، ۱۲ لېندۍ ۱۴۰۰): د بلخ امنيتي ځواکونو په مزار شريف ښار کې يوه ماشومه له تښتوونکو ژغورلې او په تړاو يې نهه کسان نيولي دي.
د بلخ ولایت مقام له خوا په خپره شوې خبرپاڼه کې راغلي چې د سدرا جان په نوم ماشومه درې ورځې مخکې تښتول شوې وه چې د امنيتي ځواکونو له خوا د عملياتو په ترڅ کې بېرته راخوشې شوه.
سرچينه زیاتوي، دغه عملیات تېره شپه د مزارشریف ښار اړوند نهمې ناحیې په مربوطاتو کې ترسره شول چې په ترڅ کې يې نهه تښتوونکي ونیول شول او د غلام محی الدین په نوم د يادې ډلې مشر ووژل شو.
په خبرپاڼه کې راغلي چې چارواکو د دغه ولايت اوسېدونکو ته ډاډ ورکړی چې هیڅ چا ته به اجازه ور نه کړي چې د ولس امنیت ته زیان ورسوي.
Views: 432