ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د اوکراین په شپږو ښارونو کې لنډمهال اوربند شوی

د اوکراین په شپږو ښارونو کې لنډمهال اوربند شوی

author avatar
8 Mar 2022 - 16:53
د اوکراین په شپږو ښارونو کې لنډمهال اوربند شوی
author avatar
8 Mar 2022 - 16:53

کابل (پژواک، ۱۷ کب ۱۴۰۰): د خپرو شوو راپورونو پر اساس، د روسیې دفاع وزارت د اوکراین په پنځو ښارونو کې د ملکي وګړو د تخلیې لپاره د لنډمهال اوربند خبر ورکړی دی.

یو شمېر رسنیو د روسیې د دفاع وزارت په حواله راپور ورکړی چې دغه وزارت نن (سه شنبې، د مارچ اتمه) د اوکراین پلازمېنې کیف په ګډون په پنځو ښارونو کې د ملکي وګړو د تخلیې په موخه د لنډمهال اوربند خبر ورکړی دی.

دغه وزارت په یوه خبرپاڼه کې اعلان کړی چې د اوکراین په کییف، خارکیف، چرنیګیف، سومي او ماریوپول ښارونونو کې د مسکو پر وخت د نن سهار له ۱۰ بجو وروسته لنډمهالی اوربند عملي شوی دی.

د روسیې دفاع وزارت په یوه بیانیه کې ویلي: ((روسي لوری د اوکراین له ګډون پرته تر اوسه توانېدلی چې ۱۷۳۷۷۳ کسان د لوهانسک او دونتسک خلق جمهوریتونو د ځانګړو نظامي عملیاتو له سیمو څخه روسیې ته انتقال کړي، له دې ډلې ۴۴۱۸۷ ماشومان دي.))

دا په داسې حال کې ده چې تېره ورځ اوربند ته د رسېدو په موخه د لهستان، اوکراین او بلاروس پولې ته څېرمه برست ښار په مربوطاتو کې د لوویسک جنګي سیمه کې د روسیې او اوکراین د پلاوو ترمنځ د خبرو دویم پړاو ترسره شو.

په دې خبرو کې دواړو لورو د لنډمهال اوربند او بشردوستانه «کریدور» پر رامنځته کېدو هوکړې ته رسېدلي دي.

له دې مخکې د روسیې او اوکراین د پلاوو ترمنځ د خبرو لومړی پړاو د روان کال د فبرورۍ په ۲۸مه د اوکراین پولې ته څېرمه په ګومل سیمه کې ترسره شو او پنځه ساعته وخت یې ونیو.

په ورته وخت کې دویم پړاو خبرې د مارچ په درېیمه له بلاروس سره پر پوله په برست کې ترسره شوې.

Views: 18

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.