Pajhwok Afghan News

مزار شریف کې دیوې قابلې په ګډون دوه کسان وژل شوي

مزار شریف (پژواک، ۱۳ وری ۱۴۰۱) : د بلخ ولایت په مرکز مزار شریف ښار کې د یوې ښځې په ګډون دوه کسان وژل شوي دي.

د بلخ امنیه قومندانۍ ویاند محمد آصف وزیري د وري په ۱۳مه، پژواک اژانس ته وویل چې  پېښه پرون د دوه کورنیو تر منځ د خپل منځي ستونزو او شخړې له امله رامنځته شوې ده.

هغه زیاته کړې چې په وژل شویو کې یوه ښځینه قابله  او بله نارینه ده،  د وژل شوې قابلې په تور دوه کورنۍ د پولیسو تر څار لاندې دي.

خو وزیري په دې اړه نور جزییات ورنه کړل.

Views: 604

Exit mobile version