ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ټام ویسټ له کرزي سره د نجونو ښوونځیو پر پرانیستو غږېدلی

ټام ویسټ له کرزي سره د نجونو ښوونځیو پر پرانیستو غږېدلی

author avatar
4 Apr 2022 - 13:15
ټام ویسټ له کرزي سره د نجونو ښوونځیو پر پرانیستو غږېدلی
author avatar
4 Apr 2022 - 13:15

کابل (پژواک، ۱۵ وری ۱۴۰۱): د افغانستان لپاره د امریکا ځانګړي استازي له پخواني ولسمشر حامد کرزي سره د نجونو د لېسو او منځنیو ښوونځيو د پیل ځنډېدو په اړه خبرې کړې دي.

د افغانستان لپاره د امریکا ځانګړي استازي توماس ويسټ نن پر خپل ټويټر لیکلي چې تېره ورځ یې د افغانستان له پخواني ولسمشر حامد کرزي سره له شپږم ټولګي پورته د نجونو ښوونځيو د پرانیستلو په اړه خبره کړې دي.

هغه وایي چې د افغانستان د راتلونکي په اړه د افغانانو د غوښتنو په تړاو یې هم خبرې کړې دي.

دا په داسې حال کې ده چې د ۱۴۰۱ ښوونیز کال د روانې وري میاشتې په درېیمه پیل شوی، خو حکومت د نجونو لېسو او منځنیو ښوونځیو پیل تر بل امر پورې ځنډولی او ویلي یې دي چې دغه ښوونځي به د یوې طرحې له بشپړېدو وروسته پیل شي.

یادې پرېکړې په کور دننه او بهر غبرګونونه وپارول؛ امریکا په قطر کې د افغانستان له سرپرست حکومت سره کېدونکې خبرې لغوه کړې او نړیوال بانک د ۶۰۰ میلیون ډالرو په ارزښت د څلورو پروژو تمویل وځنډاوه.

Views: 208

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.