لښکرګاه (پژواک، ۱۱ چنګاښ ۱۴۰۱): د هلمند د اطلاعاتو او کلتور ریاست وايي چې تېره ورځ د دغه ولایت په ګرمسېر ولسوالۍ کې پاکستان ته د اوسپنې د قاچاق په تور ۷ کسان نيول شوي دي.
د دغه ولایت د اطلاعاتو او کلتور ریاست مرستیال مولوي محمد قاسم ریاض پژواک ته وویل چې پرون د یاد ولایت امنیتي ځواکونو د ګرمسېر په بنادر سیمه کې اووه کسان له يو موټر سره يوځای چې اوسپنه په کې بار وه، نيولي دي.
ده وویل، يادو کسانو غوښتل چې اوسپنه په قاچاقي ډول پاکستان ته انتقال کړي.
د يادونې ده، له دې مخکې هم څو ځلې په یاده ولسوالۍ یو شمېر کسان پاکستان ته د اوسپنې او مسو د قاچاق په تور نیول شوي وو.
Views: 111